Fadia Rostomتلات سنين و اكتر..و بيسموها أزمة!
تلات سنين و اكتر ...و انا بسميها مليون غصة و مليون وجع و مليون دمعة و مليون آخ و مليون كابوس و مليون خيبة أمل و مليون حرقة قلب و مليون كسرة جانح ضعيف و مليون حلم مخنوق و مليون دعوة و مليون باب مسكر.
تلات سنين... و بعضنا عم ينحت الصخر ليلاقي نتفة ضو، و ينحت الصخر ليتمسك بقشة، و ينحت الصخر ليلاقي نقطة ندى.
تلات سنين و اكتر عم يعيش البعض عمخزونه الباقي من الذكريات، و مخزونه الباقي من الحب و مخزونه الباقي من الأمل و مخزونه الباقي من الاصدقاء .
تلات سنين و اكتر و نحن عم نقاوم اليأس و نقاوم الغضب و نقاوم الكفر و نقاوم الوجع .
صرنا كلنا خبراء بالبقاء على قيد الحب .
صرنا كلنا خبراء بالبقاء على قيد الحلم.
صرنا كلنا خبراء بالبقاء على قيد الابتسام.
و انا متل كتار، وحدة من ملايين، حلمي وطن و وجعي وطن و ذاكرتي وطن و أملي وطن.
كل ما بتنقص دقات القلب و بتصير الكلمات مشوهة و الوجوه غريبة بدور ع وطني بحلم بفكرة بصورة و بغنية ....لحتى اقدر ارجع اتنفس و كمل.
شعرك دهب و بيلزمه بكلة دهب بس الدهب مدفون ..جوا البلد...لو في بلد ... كل الدهب بيهون ... شعرك عحلو انعفه قمحة شمس الجرون و بسمة بوجهك هالحلو نسمة بسما المسجون ...
أغنية لفرقة تراب ... فيه أحلى من هالاسم!
حبيت أسمعها معكون ... و لو منقدر نشارك بعض هون بأغاني لفرق سورية حلوة ... قدرت تنزل دمعة محبوسة غصب و قدرت تخلينا نرجع نقول آه بدون ما نكون موجوعين و قدرت ترسم عشفافنا وطن حلو غصب عن ال " أزمة " و ناطرنا و راجعينله !
لمشاهدة الموضوع الأصلي إضغط هنا
المصدر: RSS الحوت السوري
jghj skdk , h;jv>>, fdsl,ih H.lm! >>pgld ,'k ,[ud `h;vjd Hlgd ,'k> - Fa